فۆتۆگرافەرێكی گەرمیانی كە ئەندامی رێكخراوی جەستەبەخشانی كوردستانە، گورچیلەكی خۆی دەبەخشێتە ژنێكی كەمدەرامەت.
سەبارەت بەوەی چۆن گورچیلەكی خۆی بەخشیووە رامان كەریمی فۆتۆگرافەر لە بارەی بەخشینی گورچیلەیەوە بە خەندانی راگەیاند " له رێگەی براده رێكی ئازیزه وه ئاگاداركرامەوه ژنێكی هەژار و كەمدرامەت له ناحیەیی شۆرش به ناوی (ر. م.س)هەردوو گورچیله كانی له كاركەووتون پێویستی به گورچیلەیه ك هه یه ."
وتیشی" بەهۆی ئەوەی خێزانی ئەو ژنە كەمدرامەتن، ناتوانن گورچیلەیەكی بۆ بكڕن. بۆیە من وەكو خۆبەخشێك لە پێناو خوا و مرۆڤایەتی بەڵێنم پێدان گورچیلەیەكی خۆمیان پێببەخشم."
رامان داوای دوعای خێر لە خەڵكی دەكات و دەڵێت "داواكارم دوعای خێرم بۆ بكەن، چونكە دوای جەژن به نیازم بەرە و تاران بڕۆم بە مەبەستی بەخشینی گورچیلەم بەو ژنە."
لە كۆتایدا، رامان سوپاسی هەریەك لە سەرۆك و جێگری رێكخراوی جەستەبەخشان فەرهاد قادری و یوسف خەلیل دەكات كە رێكخراوەكە بەرێوە دەبن.
رامان كەریم شەریف لە دایكبووی 1984 ەو خێزاندارە و سێ منداڵی هەیە كە دوو كوڕ و كچێكن، بە ئەسڵ خەڵكی ناوچەی زینانەیە لە گەرمیان بەڵام ئێستا لە سلێمانی دادەنیشتو بە كاری فۆتۆگرافەرییەوە سەرقاڵە.
