موحسین مەندەلاوی،سەردانی سەرۆکی یەکێتی ومەزاری مام جەلال،ی کرد.

 

جێگری یەکەمی سەرۆکی پەرلەمانی کوردستان لە سلێمانی لەگەڵ سەرۆکی یەکێتی نیشتمانپەروەری کوردستان کۆبووەوە.

ماندێلا لەگەڵ تاڵەبانی تاوتوێی کۆمەڵێک پرسی گرنگ و بابەتی پەیوەندیدار بە یەکڕیزی وڵات دەکات.

ئێوارەی دوێنێ سێشەممە، موحسین مەندەلاوی، جێگری یەکەمی سەرۆکی پەرلەمانی عێراق بەیاوەری ژمارەیەک پەرلەمانتار سەردانی پارێزگای سلێمانی لە هەرێمی کوردستان کرد. لە میانەی سەردانەکەدا لەگەڵ بەڕێز بافڵ تاڵەبانی سەرۆکی یەکێتی نیشتمانپەروەری کوردستان کۆبووەوە و بارودۆخی گشتی سیاسی و ئابووری و ئەمنی وڵات و هەروەها ئەو پێشهاتانەی لە ناوچەکەدا ڕوودەدەن تاوتوێ کرد. لە کۆبوونەوەکەدا چەندین بابەتی گرنگی پەیوەست بە بەرژەوەندییەکانی یەکگرتوویی وڵات خرایەڕوو، داوای هەڵوێستی هاوئاهەنگیان کرد بۆ چارەسەرکردنی کێشە نیشتمانییەکان بە شێوەیەک کە بەشداربێت لە چەسپاندنی پرۆسەی دیموکراسی و دەستەبەرکردنی سەقامگیری و مافی هەموو پێکهاتەکان. هەروەها گفتوگۆکان تیشک خرایە سەر هەڵبژاردنی داهاتووی پەرلەمانی کوردستان لە هەرێمی کوردستان و پێویستی درووستکردنی کەشێکی ئەمن و دادپەروەرانە کە بەشدارییەکی بەرفراوان لە سەرجەم هێز و پێکهاتە سیاسییەکانی کۆمەڵگا مسۆگەر بکات. هەر لە کۆبوونەوەکەدا باس لە پرسی خزمەتگوزاری و ئەولەویەتەکان کرا بۆ باشترکردنیان لە پارێزگاکان، هەروەها گرنگی پتەوکردنی هەماهەنگی و یەکگرتنی نێوان حکومەتی فیدراڵی و حکومەتی هەرێم بۆ بەدیهێنانی ژیانێکی شایستە بۆ هاووڵاتیان.

هەروەها ئەلمەندلاوی و شاندی یاوەری سەردانی مەزارگەی جەلال تاڵەبانی سەرۆک کۆماری پێشووی عێراقیان کرد، لەوێدا سورەتی فاتیحە بۆ گیانی خوێندرایەوە. شاندەکە هەڵوێستە نیشتمانپەروەرە بەرزەکانی وەبیرهێنایەوە و دوعای ڕەحمەتی و لێبوردن و بەرزترین ئاستی بەهەشتی بۆ کرد.

نووسینگەی ڕاگەیاندنی جێگری یەکەمی سەرۆکی پەرلەمان

٢ی ئەیلول