میدیا عەرەبییەکان ئاشکرایان کرد کە شاندێکی ئەمنی لە بەغدای پایتەختەوە گەیشتونەتە هەرێمی کوردستان بۆ بەدواداچون و لێکۆڵینەوە لەسەر بارودۆخ و چارەنوسی دەستگیرکراوەکانی ڕوداوەکەی لالەزار لە شاری سلێمانی.
ئەمڕۆ یەکشەممە، ئاژانسی شەفەق نیوز لە زاری چەند سەرچاوەیەکی ئەمنییەوە بڵاویکردوەتەوە، لە بەغدادەوە شاندێکی ئەمنی گەشتونەتە هەرێمی کوردستان و بەدواداچون بۆ ڕوداوەکانی سلێمانی دەکات.
ئاماژەی بەوەشکردوە، شاندەکە لە نزیکەوە بەدواداچون بۆ بارودۆخی دەستگیرکراوەکانی ڕوداوەکەی سلێمانی دەکەن، هەروەها پێداچونەوە بە لیستە فەرمییەکانی ناوی هێزەکانی هەرێمی کوردستان و پێشمەرگە دەکەن بۆ جیاکردنەوەی هێزی یاسایی و نایاسییەکان دەکەن.
ئەوەشخراوەتە ڕو؛ شاندە ئەمنیەکەی عێراق تا ڕۆژی سێشەممە لە هەرێم دەمێننەوە و جگە لە سلێمانی سەردانی هەولێریش دەکەن.
