داودئۆغڵو،لە بازاڕی سلێمانی باوەشیان بۆكردمەوە و دەیانوت بیری ئێوەمان دەكرد.

ئەحمەد داودئۆغڵو: لە بازاڕی سلێمانی باوەشیان بۆكردمەوە و دەیانوت بیری ئێوەمان دەكرد

بوار، تایبەت

ئەحمەد داودئۆغڵو ڕایدەگەیەنێت كە گەورەترین داواكاری خەڵكی سلێمانی دەستپێكردنەوەی گەشتە ئاسمانییەكانە لەگەڵ توركیا و دەشڵێت، دەبێت بە هاوسەنگی مامەڵە لەگەڵ هەولێر و سلێمانیدا بكرێت بۆ ئەوەی ڕێگە نەدرێت سلێمانی بكەوێتە ژێر كاریگەری هێزی دیكەوە.

ئەحمەد داودئۆغڵو، سەرۆك وەزیرانی پێشووتری توركیا و سەرۆكی پارتی ئایندە كە هەفتەی ڕابردوو لە سلێمانی بوو، دوای گەڕانەوەی بۆ توركیا لە چاوپێكەوتنێكدا باسی لە سەردانەكەی بۆ شارەكە كرد و ڕایگەیاند، گەورەترین داواكاری لە سلێمانی بریتییە لە كردنەوەی كایەی ئاسمانی توركیا بە ڕووی فڕۆكەخانەی سلێمانی و دەستپێكردنەوەی گەشتە ئاسمانییەكان.

ئاماژەی بەوەشكردووە، شەوێكی درەنگ سەردانی بازاڕی سلێمانم كرد، لە بازاڕی سلێمانی بە جۆرێك پێشوازیم لێكرا كە هەموویان باوەشیان كردەوە و دەیانوت بیری ئێوەمان دەكرد و پێویستە توركیا بە ڕووی سلێمانیدا بكرێتەوە.

ئەحمەد داودئۆغڵو ڕاشیگەیاند، “پێویستە بە شێوەیەكی هاوسەنگ مامەڵە لەگەڵ سلێمانی و هەولێردا بكرێت و هەرگیز ڕێگە نەدرێت سلێمانی بكەوێتە ژێر كاریگەری هیچ هێزێكی دیكەوە.