ئەنجوومەنی سەربازیی منبج رایگەیاند، هێزەکانیان بەرەنگاری چەند هێرشێکی گرووپە چەکدارەکانی نزیک لە تورکیا بوونەتەوە لە گوندەکانی عەتشانە و مەستاحە لە باشووری منج و شکستیان بە هێرشەکەیان هێناوە و دەیان ئەندامی ئەو گرووپانە کوژران و بریندابوون.
ئاوێنە: ئەنجوومەنی سەربازیی منبجی سەر بە هەسەدە لە راگەیەندراوێکدا بڵاویکردەوە، هێزەکانیان لە گوندەکانی عەتشانە و مەستاحەی باشووری منبج بەرەنگاری هێرشێکی گرووپە چەکدارەکانی نزیک لە تورکیا بوونەوە و شکستیان بە هێرشەکە هێناوە.
ئەنجوومەنی سەربازیی منبج ئاماژەی بەوەشکردووە، "لە شارۆچکەی ئەبوقەلقەلیش، هێزەکانمان بەرپەچی هێرشێکی گرووپە چەکدارەکانیان دایەوە و زرێپۆشێکیان لە جۆری 'بی ئێم بی' لە دەوروبەری گوندی عەلوش تەقاندەوە و دەیان چەکدار کوژران و برینداربوون
