جەعفەر شێخ مستەفا جێگری سەرۆکی هەرێم پەیامێکی بڵاوکردەوە.

پەیامی جێگری سەرۆک بە بۆنەی جەژنی سەری ساڵی ئێزیدییەکانەوە

بە بۆنەی هاتنەوەی جەژنی سەری ساڵی ئێزیدییەکان، گەرمترین پیرۆزبایی لە خوشک و برایانی ئێزیدی لە کوردستان و عێراق و جیهان بە گشتیی دەکەم، هیواخوازم لە کەشێکی ئارام و دڵخۆش ئەم جەژنە بەسەر ببەن و ببێتە ساڵێکی پڕ خێر و خۆشی بۆ هەمووان.

خوشک و برایانی ئێزیدی مێژوویەکی پڕ بایەخیان هەیە لە ژیانی پێکەوەیی ئایینی و نەتەوەییەوە لە ناوچەکەدا، ئومێدەوارم ئەو کلتووری پێکەوەژیانەی کە سیمایەکی جوانی بەخشیوە بە هەرێمەکەمان گرنگی زیاتری پێبدرێت.

سەری ساڵی نوێتان پیرۆز بێت، هەمیشە دڵخۆش و کامەران بن لە ژیاندا.

شێخ جەعفەر شێخ مستەفا

جێگری سەرۆکی هەرێمی کوردستان

٢٠٢٤/٤/١٦