سێ سەرو سۆڵتانەک

جیهاد عەلی حەمید

سەرەدانا(رەجەب تەیب ئەردۆغان) بۆ عێراقێ ب گشتی و بۆ هەرێما کوردستانێ ب تایبەتی.

  ل 22ـی نیسانا ساڵا 2024 ئەردۆغان سەرۆککۆمارێ تورکیا سەرەدانا هەرێما کوردستانێ کر، ئەڤ سەرەدان دبیتە دووەمین سەرەدانا وی د ماوێ دەستهەڵاتا ویدا.

دەمێ مرۆڤ ل ڤان لڤینان دنێریت چەند پرسەک مستا ل میشکێ مرۆڤی ددەن!

مرۆڤ ژ خوە دپڕسیت و دبێژیت: هەرێمەک ب تیرێن ئەردۆغانی برینداربووی و تا نها ژی خۆین یا ژ ئەڤان برینان د هەڕکیت.

هەرێمەک و نەتەوەیەک، ب دەهان جاران ئەردۆغانی حاشاتی ب بوون و هەبوونا وێ و ناڤێ وێ کری.

  هەرێمەک ئەردۆغان نیشان شکێنێ ڕیفڕاندۆما وێ و

چەکۆچێ مەزن و سەرەکیێ هەڕڤاندنا ئاڤاهیێ ڤێ هەرێمێ و ژ ناڤبرنا 51%ـێ ژ ئاخا وێ.

ب سەدەما وێ 51% ـێ لاشێ ڤێ ئاخێ کەفتە بن کۆنترولا عێراقا جیران،گەر روهنتر بێژین کەفتە بن قۆندەرا حەشدا شەعبی، گەر وازح تر بێژین ئەڤ51%ـێ کەفتە ژێر پڕۆژێ هیلالا شیعی! پترێ 20%ـێ کەفتیە بن سمێن پاستاڵێن جەندرمەیا ئێدی بۆ حەتا حەتا ئاسێبو و قێرێن و نالینێن وێ لژێر رەحما میتا تورکیا پەردێن ئاسمانا کۆن کر.

بلا زور دور نەچم،هاتنا ئەردۆغانی بۆ عێراقێ و ب تایبەتی هەرێما کوردستانێ گەر 2%ـێ بۆ مەرامێن ئابۆری و پەترۆلێ و ئاڤێ و کارەبێ و بازرگانی و خۆشکرنا پەیوەندیا بیت 98% ژبوی ژ ناڤبرنا هێزا چەکدارێن(PKK)ـێ یە.

بباوەرا من ئەڤ خەونا ئەردۆغانی دێ بیتە کابۆسەک و بڤێ کابۆسێ دێ گڕ لاشێ وی گریت و لاشێ وی دێ گۆڕی بیت و مینا زۆحاکێ خۆین مێژ دێ بەردەوام بیت لسەر ب کارئینانا خۆینا نڤشێ کوردا بۆ مەرەما چارەسەریا لاشێ خوە یێ ڕزی و گەنی.

ژبەرکۆ ئەردۆغان دووەم (هێزا ناتۆ)یه ل جیهانێ و ئەردۆغانی ب هەمی هێزو چەکێ پێشکەفتی و تەکنەڵۆژیا سەردەم و فڕۆکەیێن پێشکەفتی نەشیایە هێزا چەکدارێن(PKK) 

ژناڤ ببەت.

ئەڤجا باشترین ڕێک و ئەو هێزا ب هێزتر ژ وێ هێزا تا نها ب کار ئینای ئەوە ئەردۆغان ژبوی ژناڤبرن و سێدارەدانا (شێخ سەعیدێ پیران)، بخۆ ل (قاسوی)یەکی بگەرهیت و ب ڕێکا سیخۆرو خۆ فرۆش و خائینێن کورد، نەتەوا کور ب دار ڤەکەت و ژناڤ ببەت.

باشترین و سەرکەفتی ترین ڕێک و مفا وەرگرتن ژ دیرۆکێ ئەوە ئەردۆغان بخۆ ل سەرا بگەرهیت و سەرا پەیدابکەت و (قاسۆیێن) دیرۆکێ دووبارە بکەتەڤە، ئیلڵا بڤێ ڕێکێ سەرکەفتنێ بینیت! گەر نە، تورکیا چ ڕێکێن دی نابینیت ژبوی ژ ناڤبرنا هێزا کوردا!

ب نێرینا من ل شینا ئەردۆغان بخۆ سەرەکی ببینیت سێ سەر پەیدا کرن و سێ سەر ب دەست کەفتن!

ئەردۆغان ب رۆهنی و ب ئەشکەرەیی یێ دبێژیت:

ئەز (سۆڵتان)و (مەسعود بارزانی) میرو(نێچیرڤان بارزانی و مەسرور بارزانی) ژی وەزیر!!

سەرەدانا ئەردۆغانی بۆ هەرێما کوردستانێ و دیتنا ئەڤان هەرسێ (قاسو)یا وڤان هەرسێ سەرا باشترین بەڵگەنە لسەر ڤێ بۆچوونا من.

کە واتە ئەردۆغان میرێ ئۆسمانلیا ل بادینان و مەسعودو مالا بارزان ژی میرو وەزیر...

ل داویێ ئەردۆغانی دیرۆک نوی کرەڤەو (قاسو)ێن سەردەم یێ کارێ خوە دکەن و ئێدی ب دارڤەکرن و ل سێدارەدانا شێخ سەعیدا ژی ئاسان و ب سانەهی کەفت.