مەلا بەختیار:کورد لەگەمەی ناوچەکە تێنەگات قازانج سەری مایە دەخوات.

 

کورد لەگەمەی ناوچەکە تێنەگات قازانج سەری مایە دەخوات.

لەدوای 2003، ئەمریکا نەیهێشت کەرکوک بێتەوە سەر کوردستان، ئێستاش ئەمریکاو بریتانیا لەگەڵ ئەوە نین کەرکوک بگەڕێتەوە سەر هەرێم.

کێشەی گەورە لەعێراقدا ئەوەیە دیموکراسی نیە، خۆ دیموکراسی ئەوە نیە چوار ساڵ جارێک هەڵبژاردنێک بکرێت کە ئەنجامەکەی زانراوە، بەڵکو تەواوی مافە مەدەنی‌و دەستوری‌و ئازادیەکانیش دەگرێتەوە، ئێستا لەعێراقدا فەزای مەزهەب زاڵە بەسەر وڵاتەکەدا.

جەنگی ئیسرائیل‌و غەززە پارسەنگی جەنگی ئۆکرانیا بو، بۆیە لەئایندەدا زلهێزەکان کێشەکانیان چارەسەر دەکەن‌و کێکەش بەش دەکەن.

ئەمریکا کە ئێستا ئەم جەنگە دەکات لەناوچەکەدا بۆ ئەوەیە کە باقی ئەو بەرژەوەندیانەی ماویەتی، بیپارێزێت، چونکە ئەمریکاو بەریتانیا پێیانوابو ئەگەر هاوکێشەکە نەگۆڕن ترسیان هەبوو تەواوی ناوچەکە بکەوێتە ژێر دەسەڵاتی میلیشیاکانەوە.