وەزارەتى دارایى حکومەتى هەرێمى کوردستان لەبارەى کۆبوونەوەیان لەگەڵ حکومەتى فیدراڵى ڕاگەیەنراوێکى بڵاو کردەوە و ئاشکراى دەکات، "لەگەڵ عێراق لەسەر پشکى هەرێم لە بودجە گەیشتینە ڕێککەوتنى سەرەتایى"
دەقى راگەیەندراوی وەزارەتی دارایی حکوومەتی هەرێمی کوردستان:
شاندی هەرێمی کوردستان لەگەڵ سەرۆک وەزیرانی عێراق کۆبونەوە
ڕۆژی یەکشەممە ٢٠٢٣/٢/٢٦ شاندی هەرێمی کوردستان بە سەرۆکایەتی بەڕێز ئاوات جەناب نووری وەزیری دارایی و ئابوری و دکتۆر ئومێد سەباح سەرۆکی دیوانی ئەنجومەنی وەزیران و خالید چاوشلی سەرۆکی دیوانی چاودێری دارایی هەرێم لەشاری بەغداد لە گەڵ بەڕێز محەمەد شیاع سودانی سەرۆک وەزیرانی عێراق کۆبونەوە.
لە دیدارێکدا کەهەریەک لە دکتۆر فواد حسێن و محەمەد تەمیم جێگرانی سەرۆک وەزیران و حەیان عەبدول غەنی وەزیری نەوتی عێراق و تەیف سامی وەزیری دارایی عێراق و بەنگین ڕێکانی وەزیری ئاوەدانکردنەوەی عێراق ئامادەی بوون، تاوو توێی پشکی هەرێم لە پرۆژە یاسای بودجەی ساڵی ٢٠٢٣ عێراق کراو وەفدی هەردولا گەیشتنە ڕێکەوتنی سەرەتایی بۆ چارەسەری کێشەکان.
.jpg)
.png)