ئێران دژی پارتی و بارزانی هاتە دەنگ
"دژی هێرشی ئێرانن و هاوکاری سوپای تورکیاش دەکەن"
ئاژانسی هەواڵی میهری دەوڵەتی ئێران، هێرشی توند دەکاتە سەر مەسعود بارزانی و حزبەکەی و بە دوو فاقی لەهەڵوێست تاوانباریان دەکات.
لە ڕاپۆرتی ئاژانسەکە هاتووە پاش هێرشی ئێران بۆ سەر حیزبە ئۆپۆزسیۆنەکانی نەیاری کۆماری ئیسلامی، بارزانی و سەرکردایەتی پارتی هەڵوێستی توندیان دژی ئێران نواندووە و هەڵوێستەکانیان جێگای سەرسوڕمان بوون.
ئاژانسەکە پارتی و بارزانی تۆمەتبار دەکات ودەڵێت لە ئاستی ئۆپەراسیۆنە سەربازیەکانی تورکیا بێ دەنگن و هەندێکجار هاوکاری تورکیاش دەکەن و دژی هێزی چەکداری باکوری کوردستانن، بەڵام پاڵپشتی ئەو گروپانە دەکەن دژی ئێرانن.
