سەرۆککۆماری عێراق رايگەياند: “ئەم هەڵبژاردنەی عێراق لەسەر داوای جەماوەر بەڕێوەدەچێت و مەبەست لێی چاکسازييە”، دەشڵێت “دەرفەرتی ساختەکاری يايدا زۆر کەمە”.
ئەمڕۆ يەکشەممە، کۆمسيۆنی باڵای سەربەخۆی هەڵبژاردنەکان ئامێرەکانی دەنگدانی لەبەردەم بەرهەم ساڵح سەرۆککۆماری عێراق و جنين پلاسخارت نێردەی تایبەتی سکرتێری گشتی نەتەوەیەکگرتووەکان تاقيکردەوە، لە کۆنفرانسێکی رۆژنامەنوسيدا بەرهەم ساڵح رايگەياند: “رۆژی دەنگدان رۆژی هەنگاونانە بەرەو چاکسازی”.
راشیگەیاند: “بۆ بەدواداچون و ئامادەکاری تایبەت بە هەڵبژاردنەکان کە رۆژی یەکشەممەی داهاتوو بەڕێوەدەچێت ئەمڕۆ لێرەم، بۆ ئەوەی گوزارشت بکەم لە بەرزنرخاندن و سوپاسکردنی کۆمسیۆنی باڵای هەڵبژاردنەکان و کۆمسیاران و هەروەها کارمەندانی ئەو دامەزراوە گرنگە”.
وتيشی “لەم هەڵبژاردنەدا دەرفەتی ساختەکاری زۆر کەمە و ئەم هەڵبژاردنە بەمەبەستی چاکسازی لەسەر داوای جەماوەر بەڕێوەدەچێت”.
