وڵات - تەندروستى
یەكێك لەگرفتە بەربڵاوەكانی تەندروستی لەم سەردەمە كەڕووی ناو دەمە، كە خەڵكانێكی زۆر بەدەستیەوە دەناڵێنن.
ڕەنگە هۆكارێكی زەقی نەبووبێت، بەڵام بەپێی قسەی شارەزایان پیسی و دڵەڕاوكێ دوو هۆكاری زەقی ئەو گرفتەن.
كەڕووی ناو دەم ئازار لەنێو دەم دروست دەكات و بە ئاسانی ناتواندرێت خواردن بجورێت و تووشی بێزاریت دەكات.
پزیشكان ئاماژە بە چەند ڕێگە چارەسەرێك دەكەن كە یارمەتی هێوركردنەوەی ئازارو نەهێشتنی كەڕووی سپی ناو دەم دەدات.
ڕێگە چارەكانیش ئەمانەی خوارەوەن :
1. پونگ : ئەم سەوزەیە یارمەتی كەم كردنەوەی ئازاری كەڕووی و زیبكەی ناو دەم دەدات و بەمەیش هەست بە نەمانی دەكەن.
2. خوێ : كەوچكێك خوێ و گیراوەی لیمۆ تیكەڵاوبكەن لە ناو كوپێك ئاوی گەرم، بۆ ماوەیەك غەرغەرەی پێ بكەن، ئەم ڕێگەیە بە سوودە بۆ ئەو كەسانەی ئازاری گەروویان هەیە.
3. سۆدەی نان : بە هەمان شێوە لەگەڵ گیراوەی لیمۆ و ئاوی گەرم تێكەڵاوبكەن، بۆ ماوەیەك غەرغەرەی پێ بكەن، پێویستە ئەم كردارە چوار ڕۆژ لە سەری بەردەوام بن.
4. گیراوەی لیمۆ : دوو كەوچك لەم گیراوەیە لەگەڵ كوپێك ئاوی گەرم تێكەڵاوبكەن، بۆ ماوەیەك غەرغەرەی پێ بكەن، پێویستە ڕۆژانە دووجار ئەم كردارە دووبارە بكەنەوە.
5. ڕۆنی كونجی : بە یەكێك لەو ڕۆنانە دادەنرێت دژە هەوكردنەو ئازاری ناو دەم ناهێڵێت، بۆیە دەستتان بە بڕێك لەم ڕۆنە چەور بكەن، لەو شوێنانەی بدەن كە كەڕووەكەی لێ پەیدابووە، بەمەیش ئازارو هەوكردنەكەی لەناو دەبەن.
