بەبۆنەی زیارەتی “مانگی ڕەجەب و نامەی پێغەمبەرایەتی محەمەد (د.خ)” سبەینێ پێنج شەممە دەكرێتە پشووی فەرمی.
بەپێی ڕۆژمێری (سعودیە) ئەمڕۆ 27ی مانگی ڕەجەب-ی كۆچییە و شەوی ڕابردوو (ئیسڕا و میعراج) بووە، بەڵام لای شیعەكانی عیراق سبەینێ 27ی مانگی ڕەجەب-ە و ئەمشەو بە شەوی (ئیسڕا و میعراج) دیاری كراوە، كە تێیدا پێغەمبەری خودا (محەمەد د.خ) بەرزكراوەتەوە بۆ ئاسمانەكان و نوێژ بۆ سەر موسڵمانان فەرز كراوە.
بەو بۆنەیەشەوە، مەجید زینی، سەرۆكی ئەنجوومەنی پارێزگای نەجەف بە وەكالەت لە بەیاننامەیەكدا ڕایگەیاندووە، كە ئەنجوومەنی پارێزگا بڕیاری داوە سبەینێ پێنج شەممە بەبۆنەی زیارەتی ڕەجەب و نامەی پێغەمبەرایەتی بكرێتە پشووی فەرمی.
ڕاشیگەیاندووە، كە پشووەكە بۆ پێدانی بوارە بە هاووڵاتیان و فەرمانبەران تاوەكو بتوانن بەشداری ئەو مەڕاسیمە بكە و خزمەتگوزاری پێشكەش بە زیارەتكاران بكرێت، كە لە سەرانسەری عیراق و دەرەوەی وڵات سەردانی مەزاری ئیمام عەلی كوڕی ئەبوتاڵیب (سەلامی خوای لێبێت) دەكەن.
جەختیشی كردۆتەوە، كە پشووەكە فەرمانگە ئەمنی و خزمەتگوزارییەكان ناگرێتەوە.
ئەمە لەكاتێكدایە، كە هەر بەو بۆنەیەوە لە كەربەلا و چەند شارێكی دیكەی عیراق سبەینێ كراوەتە پشووی فەرمی.
شايانى باشه تائيستا روون نيه كه پارێزگاكانى ههرێمى كوردستان ئهوپشووه دهيانگرێتهوهيان نا ..
شايانى باشه تائيستا روون نيه كه پارێزگاكانى ههرێمى كوردستان ئهوپشووه دهيانگرێتهوهيان نا ..
