له‌تیف شێخ عومه‌ر: ئه‌مرۆ یه‌كێتى بڕیار ده‌دات

وته‌بێژی یه‌كێتیی نیشتمانیی كوردستان ڕایگه‌یاند: ئه‌مڕۆ مه‌كته‌بی سیاسی بڕیار له‌سه‌ر به‌شداریكردن یان نه‌كردن له‌ حكومه‌تی هه‌رێم ده‌دات.

له‌تیف شێخ عومه‌ر وته‌بێژی مه‌كته‌بی سیاسی یه‌كێتیی نیشتمانیی كوردستان ڕایگه‌یاندووه‌ ئه‌مڕۆ مه‌كته‌بی سیاسی یه‌كێتی كۆده‌بێته‌وه‌ و بڕیار له‌سه‌ر به‌شداریكردن یان به‌شدارینه‌كردن له‌ حكومه‌تی هه‌رێم ده‌دات.

سه‌باره‌ت به‌ به‌شداری كردنی فراكسیۆنی یه‌كێتی له‌كۆبوونه‌وه‌ی ئه‌مڕۆی په‌رله‌مانی كوردستان وتیشی: مه‌كته‌بی سیاسی بڕیارده‌دات كه‌ فراكسیۆنی یه‌كێتی به‌شداری كۆبوونه‌وه‌ی ئه‌مڕۆی په‌رله‌مان بكات یان خود نا.

ئه‌مڕۆ په‌رله‌مانی كوردستان كۆده‌بێته‌وه‌ و خوێندنه‌وه‌ی دووه‌م بۆ پڕۆژه‌ یاسای كاراكردنه‌وه‌ی سه‌رۆكایه‌تی هه‌رێم ده‌كات.