لەبارەی پشووەکەی سبەینێ ئاگاداری دەدرێتە قوتابیان

سەرۆکایەتی زانکۆی گەرمیان، لەبارەی پشووی فەرمیی سبەی سێشەممە 9/4/2019، ئاگادارییەکی بۆ سەرجەم قوتابییان بڵاو کردەوە.

سەرۆکایەتی زانکۆی گەرمیان لە ئاگادارییەکدا ڕای دەگەیەنێت: "سەرجەم قوتابییان ئاگادار دەکەینەوە، کە سبەی سێشەممە دەوامی ئاساییە بۆ قوتابییان و پشوو نییە".

ئاگادارییەکەی سەرۆکایەتی زانکۆی گەرمیان لە کاتێکدایە کە بە بۆنەی ساڵیادی ڕووخانی ڕژێمی بەعسەوە سبەی لە سەرجەم دامودەزگاکانی ھەرێمی کوردستان و عێراق پشووی فەرمییە.