بزوتنەوەی گۆڕان مەرجی وازهێنان لە پۆستی جێگری سەرۆكی هەرێم ئاشكرا دەكات کە ئەوەش وەرگرتنی وەزارەتی پێشمەرگەیە.
دلخواز كاكەڕەش، سكرتێری جڤاتی گشتی بزوتنەوەی گۆڕان ئاشكرایکرد: "لەپەراوێزی گفتوگۆكانی پێكهێنانی كابینەی نۆیەمی حكومەتی هەرێم، زیادكردنی جێگری دووەم بۆ سەرۆكی هەرێم باسكراوە".
ئاماژەی بەوەشكرد: مەرجی بزوتنەوەی گۆڕان ئاشكرایە كە پێویستە سەرۆكی هەرێم یەك جێگری هەبێت.
رونیشیكردەوە: كە بزووتنەوەی گۆڕان مەرجی هەیە كە ئەگەر دەستبەرداری جێگری سەرۆكی هەرێم بێت لەبەرامبەردا داوای وەزارەتی پێشمەرگە دەكات.
بەپێی رێككەوتنی پارتی دیموكراتی كوردستان و بزووتنەوەی گۆڕان سەرۆكی هەرێم یەك جێگری دەبێت و ئەویش بۆ بزووتنەوەی گۆڕانە، لە ئێستاشدا یەكێتی نیشتمانی كوردستان داوای جێگری سەرۆكی هەرێم دەكات.
