لە کاتی بەڕێوەچوونی هەڵبژاردنەکەی تورکیادا دوو برای کورد کوژران

لە ناوچەی شرۆ-ی مەلاتیە لە باکوری کوردستان لەکاتی دەنگداندا شەڕە تەقە دروست بوو، لەو شەڕەدا دوو کەس بە گولـلە کوژراون.

                         

لە بنکەیەکی دەنگدان لە گەڕەکی بۆڵونمەزی ناوچەی شرۆ-ی مەلاتیەی باکوری کوردستان کاتێک هاوڵاتیان دەنگیاندەخستە سندوقەکانەوە، لە نێوان دوو گروپ شەڕە تەقە دروست بوو، لەو شەڕە دوو کەس بە گولـلە کوژران.

ناوی ئەو کەسانەی لە شەڕەکە کوژراون، حەسەن ئاکتاش و ئلیاس ئاکتاش-ـە، دوای کوژرانیان تەرمەکەیان براوەتە پزیشکی دادوەریی.

بەپێی زانیاری میدیاکانی تورکیا،  تەقەکەرەکە دەستگیرکراوە و بۆ تەشەنە نەکردنى ڕووداوەکەش لە دەوروبەرى ئەو قوتابخانەیەى کە دەنگدانى تێدا دەکرێت، هێزى ئەمنى جێگیرکراون.