سەرچاوەیەك لە وەزارەتی دارایی و ئابوری حكومەتی هەرێمی كوردستان، راگەیاند: خشتەی دابەشكردنی موچەی مانگی كانونی دووەمی ئەمساڵ بە بەراورد بە مانگەكانی رابردوو پێش دەخرێت و هیچ مەترسیەك لەسەر موچەی هەرێمی كوردستان نیە.
ئەو سەرچاوەیەی وەزارەتی دارایی كە نەیویست ناوی ئاشكرا بكرێت وتیشی: ئەو دەنگۆیانەی هەیە هیچ راست نیە و تەنها قسەیە وەك وەزارەتی داراییی ئاگاداری مەترسیەك نین لەسەر موچەی هەرێمی كوردستان لەلایەن بەغدادەوە.
سەرچاوەكە ئەوەشی راگەیاند خشتەی وەزارەت و دەستەكان هەروەك مانگەكانی رابردوو دەبێت و شوێنی وەرگرتنی موچەی دامەزراوەكان گۆڕانی بەسەردا نایەت، بەڵام وادەی دەستپێكردنەوەی موچە ئەم مانگە پێش دەخرێت و چەند رۆژێك لە مانگەكانی پێشوو زووتر موچە دابەش دەكرێت
