بەھۆی خراپی گوزەرانی ھاوڵاتیان و بایکۆتکردنی دەوام، دەزگای تەندروستی پێشمەرگە لەسلێمانی دەرگا بۆ ھەموو نەخۆشێک واڵا دەکات و بەڕێوەبەری نەخۆشخانەکەش ڕوونکردنەوە دەدات.
د.شەماڵ جەبار یاوەر بەڕێوەبەری گشتی نەخۆشخانەی شۆڕش ڕایگەیاند: لەئەمڕۆوە دەرگای دەزگای تەندروستی پێشمەرگە(نەخۆشخانەی شۆڕش)بەڕووی ھاوڵاتیاندا دەکەینەوە، لەبەرئەوەی باری گوزەرانی خەڵک خراپە.
وتیشی: ھەموو نەخۆشێکی بەپەلە لەھەرشارێکی ھەرێمی کوردستانەوەبێت چارەسەری پێویستی بۆدەکەین، بڕیامانداوە نەخۆشخانەی شۆڕش لەسلێمانی لەخزمەت ھاوڵاتیاندابێت، بەبێ جیاوازی وەک ھاوکارییەکیش بۆ ناوەندە تەندروستییەکانی دیکە.
کردنەوەی دەرگای نەخۆشخانەی شۆڕش بۆ چارەسەری ھاوڵاتیان و حاڵەتی کتوپڕ لەکاتێکدایە کە کارمەندانی چەند ناوەندێکی تەندروستی بایکۆتی دەوامیان کردوە.
