جەمیل بایك، هاوسەرۆكی كۆماجڤاكێن كوردستان (كەجەكە) ئاشكرایكرد:چەند لایەنێكی كوردی دەستیان هەبووە لەهێرشی مانگی ڕابردووی چەكدارانی داعش بۆ سەر كۆبانێ.
جەمیل بایك، لەچاوپێكەوتنێكی ڕۆژنامەنووسی لەسەر هێرشی چەكدارانی داعش بۆ سەر كۆبانێ، وتی: داعش بەهاوكاری توركیا هێرشەكەی ئەنجامداوە، كوردی خیانەتكاریش لەهاوپەیمانانی توركیا لەیەك بەرەدا لەگەڵ داعش دژی كانتۆنەكان یەكیان گرتووە.
وتیشی: بەڵگەیان لەبەردەستەو دەیسەلمێنن، كەلایەنی كوردی جا بەشێوەی سیاسی یا سەربازی، یاهەواڵگیری هاوكاربوون لەهێرشەكە.
هاوسەرۆكی كەجەكە، ڕەخنەی توندیشی لەبەڕێوەبەرایەتی ڕۆژئاوا گرت و ئاماژەی بەوەداوە: نەدەبوو ڕێگەبدرایە ئەو كۆمەڵكوژییە ئەنجامبدرێت، تەئكیدیشی كردەوە كە ئەو كۆمەڵكوژییە بێ وەڵام نامێنێتەوەو بەتوندی وەڵامی دەدەنەوە.
from Wllat Net http://ift.tt/1FUImiv
via IFTTT
