مرۆڤ تەبیعەتی وایە زۆر موناقەشەی شت دەکات، بەڵام بەپێی زانیارییەکان وەک دەردەکەوێت کورتترین موناقەشە لە جیھاندا
کە لەنێوان دوو کەسدا ئەنجام درابێت، ئەم موناقەشەیەی خوارەوەیە، لەگەڵمان بن:
کەسێک دەچێتە لای شێخ (ناسرئەلدین ئەلئەلبانی) و پێی دەڵێ: من عیلمی غەیب دەزانم و دەمەوێ موناقەشەت لەگەڵدا بکەم. شێخ ئەلئەلبانیش پێی دەڵێ: باشە دەی موناقەشەت لەگەڵدا دەکەم، بەڵام بەمەرجێک… کابراش دەڵێ: چ مەرجێک؟ شێخ ئەلبانی پێی دەڵێ: تۆ کە عیلمی غەیب دەزانیت، ئەی چۆن نازانی مەرجەکەی من چییە؟! ئیدی کابرا دەمکوت دەبێت و قڕوقەپی لێدەکات و موناقەشە کۆتایی پێدێت.
