باڵیۆزخانەی ئەمریكا لە بەغدا داوای ڕێككەوتن لە حكومەتی فیدڕاڵی عێراق و حكومەتی هەرێم دەكات و دەڵێت: دواخستنی قبوڵ ناكەن.
وتەبێژی باڵیۆزخانەی ئەمریكا لە بەغدا ڕایگەیاندووە، پێویستە دەست بە هەناردەكردنەوەی نەوتی هەرێمی كوردستان لەڕێگەی بۆری عێراق- توركیا بكرێتەوە، چونكە سێ كۆمپانیامان لە ڕاگرتنی هەناردەی نەوت زیانیان بەركەوتووە.
ڕاشیگەیاندووە، بەكارخستنەوەی بۆریەكە سوود بە هەموولایەك دەگەیەنێت، چونكە سوود بە ئەمریكا و هەرێمی كوردستان و عێراق و ناوچەكەش دەگەیەنێت.
دەشڵێت: دواخستنی چارەسەركردنی كێشەكانی نێوان هەولێر و بەغدا قبوڵ ناكەين.
