نوسینگەی رۆژنامەوانیی سەرۆكی یەكێتی، لەبارەی هەواڵی كۆبونەوەی نێوان بافڵ تاڵەبانی و مەسرور بارزانی رونكردنەوە دەدات و دەڵێت، تا ئێستا هیچ وادەیەك بۆ كۆبونەوەیەكی لەو شێوەیە دیاری نەكراوە.
ئاوێنە: نوسینگەی رۆژنامەوانیی سەرۆکی یەکێتیی نیشتیمانیی کوردستان لە راگەیەندراوێكدا وتویەتی"لە چەند رۆژی رابردو چەند دەزگایەکی میدیایی هەواڵێکیان سەبارەت بە کۆبونەوەی نێوان بەڕێزان بافڵ جەلال تاڵەبانی و مەسرور بارزانی بڵاوکردەوە، لێرەوە بەپێویستی دەزانین بەگشت لایەکی رابگەیەنین سەرجەم ئەو هەواڵانە دورن لەراستییەوە."
جەختیشی كردۆتەوە كە "تاوەکو ئێستا هیچ وادەیەک بۆ کۆبوونەوەی نێوانیان دیارینەکراوە."
