هەموومان تا ئێستا ئەوەی دەبیستین کەوا شیری دایک باشترین شیرە بۆ منداڵ هەم بۆ تەندروستی دایکەکە باشە هەمیش بۆ منداڵەکە بەلام ئایا ئەمە تاچەند راستە؟
دایکی بەرێز کاتێک بڕیارت داوە شیری خۆت بدەی بە منداڵەکەت باش بزانە کە باشترین بڕیارت داوە بۆ ئەوەی منداڵێکی تەندروستت هەبیت و هەروەها خۆت لە چەندین نەخۆشی دەپارێزی بەتایبەتی شێرپەنجەی مەمک .
تەنها یەک خاڵ هەیە نابێت هەرگیز پشت گوێی بخەی ئەویش چۆن وا بکەی منداڵەکەت و هەروەها بەخۆت توشی ئێسکە نەرمە نەبیت ، هەموومان دەزانین کەوا کەمی ڤیتامین د لە زۆربەی تاکی کۆمەڵگای ئێمە بلاوە بەهۆی جۆری ژیان و خواردنمان ، بۆیە دایکی بەرێز کاتێک خۆت کەمی ڤیتامین د هەبێت ناتوانی بەپێی پێویست بیبەخشی بە منداڵەکەت لەکاتی شیردان .
بۆیە پێویستە لەسەر هەموو دایکانی بەریز و خۆشەویست کە شیر بە مندالەکانیان دەدەن پێویستە سەرەتا کەمی ڤیتامین د چارەسەر بکەن و دواتریش بە شێوەیەکی بەردەوام پێویستی رۆژانە لە رێگەی حەب یان کەپسولی ڤیتامیب د وەرگرن ، بەم شێوەیە هەم تەندروستی ئێسکی خۆت دەپارێزی هەم منداڵێکی تەندروستی ئێسک پتەو پەروەردە دەکەی .
بەهیوای تەندروستیەکی باش بۆ هەموو دایک و کۆرپەلە شیرینەکانیان.
د ئامانج گەردی
پسپۆڕی نەشتەرگەری ئێسک و شکان و گۆڕینی جومگەکان
