کەشناسی وادەی باران بارینی ڕاگەیاند

کەشناسی هەرێم ڕایگەیاند لە ئەمڕۆ گۆڕانکاریی لە کەشوهەوای هەرێمی کوردستان پارێزگای سلێمانی رودەدات.

کەشناسی و بومەلەرزەزانی هەرێمی کوردستان رایگەیاند: لە ئەمڕۆوە ئاسمانى ناوچەکەمان دەگۆڕێت بۆ هەورى تەواو و نیمچە هەور پلەکانى گەرما رو لە نزم بونەوە دەکات و بارانیش لە هەندێ ناوچە دەبارێت.

ڕوونیشیکردووەتەوە سبەینێ هەینی ئەو کەشە ناجێگیرە بەردەوامى دەبێت، باران لە سنورى پارێزگاى سلێمانى دەبارێت، لەگەڵ بارانیش تەرزە بارین دەبێت لە ناوچە شاخاویە بەرزەکانى ئەو پارێزگایە.