لەبارەی شەهیدەكان هەردی محەممەد زۆرتر گوتی "پەیامنێرێكی كەناڵی توركمان ئیللی لەكاتی رووماڵكردن شەهیدبووە، هێزەكانی پۆلیس 12 شەهید و زیاتر لە 30 برینداریان هەیە، بەشێك لە بریندارەكانیش رەوانەی نەخۆشخانەكانی هەولێر و سلێمانی كراون، ژمارەی شەهید و بریندارانی پێشمەرگە، خۆبەخشەكان، هاونیشتمانیانی مەدەنی و هێزە ئەمنییەكانی دیكەش نازانرێت".
ئێستا رەوشی كەركووك كۆنترۆڵكراوە و تەنیا لە چەند شوێنێك تەقە ماوە، پەیامنێری رووداو گوتی "هوتێل سنۆبەر كۆنترۆڵكراوە، لە هوتێل دار سەلامیش تەقە ماوە و ئێستا ئاگر لە نهۆمێكی هوتێلەكە كەوتووەتەوە، باس لەوە دەكرێت یەك دوو چەكدار مابن و ئێستا هێزە ئەمنییەكان گەمارۆیان داوە". ئەوە لەكاتێكدا لە هوتێل جیهاد و هوتێل قەسری مەجیدیش یەک چەكداری داعش ماوە و گەمارۆدراون، لە گەڕەكی دۆمیزیش لە یەك دوو ماڵ تەقە ماوە، بەڵام زۆربەی گەڕەكەكە كۆنترۆڵكراوە.
