وه‌زاره‌تی سامانه سروشتییه‌كان خاوه‌نی ئۆتۆمبێله‌كانی شاره‌كانی هه‌رێمی ئاگاداركرده‌وه كه به‌زووترین كات سه‌ردانی تیمه‌كانی پێدانی كۆبۆن بكه‌ن له‌و وێستگانه‌ی دیایكراون.ئه‌مڕۆ وه‌زاره‌تی سامانه سروشتییه‌كانی هه‌رێمی كوردستان له نووسراوێكدا خاوه‌نی ئۆتۆمبێله‌كانی شاره‌كانی هه‌ولێر، سلێمانی و دهۆك ئاگادار كرده‌وه كه پێویسته سه‌ردانی تیمه‌كانی پێدانی كۆبۆن بكه‌ن له‌و وێستگانه‌ی دیایكراون.
له نووسراوه‌كه‌ی وه‌زاره‌تی سامانه سروشتییه‌كاندا كه ژماره‌ی "8804"ه و ئه‌مڕۆ ده‌ركراوه، هاتووه "ئاگاداری گشت ئه‌و خاوه‌ن ئۆتۆمبێلانه‌ی شاره‌كانی هه‌ولێر، سلێمانی و دهۆك ده‌كه‌ینه‌وه كه تاكو ئێستا كۆبۆنیان وه‌رنه‌گرتووه، پێویسته تا به‌رواری 2014/7/20 سه‌ردانی تیمه‌كانی پێدانی كۆبۆن بكه‌ن له‌و وێستگانه‌ی كه دیاریكراون به‌مه‌به‌ستی ته‌واوكردنی مامه‌ڵه‌كانیان".
هاوكات وه‌زاره‌تی سامانه سروشتییه‌كان ئاگاداری گشتی ئه‌و خاوه‌ن ئۆتۆمبێلانه‌ی ده‌ره‌وه‌ی هه‌ولێر، سلێمانی، دهۆك (قه‌زا و ناحیه‌كان) ده‌كاته‌وه كه تا ئێستا كۆبۆنیان وه‌رنه‌گرتووه، پێویسته تاكو به‌رواری 2014/7/25 سه‌ردانی تیمه‌كانی پێدانی كۆبۆون بكه‌ن له‌و وێستگانه‌ی كه دیاریكراون به‌مه‌به‌ستی ته‌واوكردنی مامه‌ڵه‌كانیان.
