ئەندامێکی پەرلەمانی عێراق ئەمریکا بە ئامادەکردنی پیلانێک بۆ سەرهەڵدانەوەی دا/عــ،،ــش لەعێراق تۆمەتبار دەکات.
محەمەد بەلداوی، ئەندامی پەرلەمانی عێراق لەلێدوانێکی ڕوژنامەوانیدا ئاماژەی بەوەکرد،" ئەمەریکا پیلانی ئەوەی هەیە شانە نوستوەکانی داعش لەناو خاکی عێراق بە ئاگا بهێنێتەوە و لەو رێگەیەوە ئاژاوە لە وڵاتدا .دروست بکات ".
ئەوەشیخستەڕوو،" ئەو پرسە هەڕەشەیە بۆ سەر ئاسایشی عێراق و تەواو ناوچەکە و هەر بەوهۆیەوە، دەبێت هێزە ئەمنییەکانی وڵات لە باشترین ئاساتی ئامادەییدابن بۆ روبەڕوبونەوەی جموجۆڵەکانی گروپە تیرۆرستییەکان ".
لەناوەڕاستی ساڵی 2014 رێکخراوی تیرۆریستی داعش لەسوریاوە دزەیکردە ناو خاکی عێراق و ناوجەیەکی فراوانی لەو وڵاتە کۆنتڕۆڵکرد، دوای سێ ساڵ و له 2017 حكومه‌تی عێراق سەرکەوتنی بەسەر ئەو ڕێکخراوە تیرۆریستییە ڕاگەیاند.
