د.تارق نوری، بەڕێوەبەری ئاسایشی هەولێر رایگەیاندووە،
هەریەک لە عەبید ئیبراهیم عەلی و کوڕەکەی بەناوی رەیان عەبید ئیبراهیم خاوەنی سەرەکی
دوورگە گەشتیارییەکەی موسڵ لەلایەن هێزەکانی ئاسایشی هەولێر دەستگیرکراون.
هەرلەوبارەوە عەمید یەحیا رەسول، گوتەبێژی فەرماندەیی
ئۆپەراسیۆنەکانی عێراق دەڵێت، بە هەماهەنگی لەگەڵ هەرێمی کوردستاندا شانەی قەیرانەکان
خاوەنی سەرەکی دوورگەی گەشتیاریی موسڵ-یان دەستگیرکردووە، کە بریتین لە هەریەک لە
عەبید ئیبراهیم عەلی و کوڕەکەی بەناوی رەیان عەبید ئیبراهیم.
هاوکات، لیوا نەجم جبووری، فەرماندەی ئۆپەراسیۆنەکانی
نەینەوا و ئەندامی شانەی قەیرانەکان بڵاویکردەوە، خاوەنی دوورگەی گەشتیاریی موسڵ لەلایەن
بەڕێوەبەرایەتی نەهێشتنی تاوان لە هەولێر دەستگیرکراون.
رۆژی 21ی ئەم مانگە لە دوورگەی ئوم رەبیعەین بەلەمێکی
گەشتیاریی بە 268 گەشتیارەوە ژێرئاوکەوت و، بەهۆیەوە زیاتر لە 100 کەس گیانیان لەدەستدا،
نزیکەی 60 کەس رزگارکران و چارەنووسی 55 کەسی دیکەش نادیارە.
%20(1).png)