کۆبونەوەکەی نێچیرڤان بارزانی لەگەڵ وەزیرەکانی بزوتنەوەی گۆڕان لەکابینەی ھەشتەمی حکومەتی ھەرێم، دوای ئاگادارکردنەوەی وەزیرەکانی گۆڕان دێت لەلایەن مەکتەبی سیاسی پارتی دیموکراتی کوردستانەوە کە چیتر دەوام نەکەن و ھەولێر بەجێ بھێڵن.
بەگوێرەی ئەو زانیاریانەی کەناڵی ڕووداوی سەر بەپارتی بڵاویکردونەتەوە، سبەینێ دووشەممە نێچیرڤان بارزانی سەرۆکی حکومەتی ھەرێم لەگەڵ وەزیرەکانی گۆڕان کۆدەبێتەوە.
چاوەڕواندەکرێت لەکۆبونەوەکەی نێوان بارزانی و وەزیرەکانی گۆڕاندا چاو بەبڕیارەکەی پارتی بۆ مانەوەی ئەو وەزیرانە لەھەولێرو حکومەتی بنکە فراوان بخشێندرێتەوە.
پێشتر فایەق مستەفا پەرلەمانتاری گۆڕان سوربوونی پەرلەمانتارانی فراکسیۆنەکەی و وەزیرەکانی گۆڕانی بۆ چوونە ھەولێر دووپاتکردەوەو ڕایگەیاند: ئەوان سورن لەسەرئەوەی سبەینێ بچنە ھەولێر بۆ جێبەجێکردنی ئەرکە یاساییەکانیان.
