ئێواره‌ی ئه‌مڕۆ سێشه‌ممه 12ـی 8ـی 2014 سه‌رۆكی هه‌رێمی كوردستان(مه‌سعوود بارزانی)له ڕێی ته‌لۆفۆنه‌وه په‌یوه‌ندی به سه‌رۆككۆماری عێراق(د. فواد مه‌عسووم)-ه‌وه كرد.
له‌م په‌یوه‌ندییه‌دا گفتوگۆ له‌باره‌ی دوایپێشهات و هه‌نگاوه‌كانی نێو پڕۆسه‌ی سیاسیی و ده‌ستووریی عێراق كرا و (سه‌رۆك بارزانی) ده‌ستخۆشی له سه‌رۆككۆماری عێراق كرد به بۆنه‌ی هه‌نگاوه ده‌ستوورییه‌كانی و هه‌روه‌ها و ڕاسپاردنی كاندیدی هاوپه‌یمانێتیی نیشتیمانی بۆ پێكهێنانی حكوومه‌تی ئایینده‌ی عێراقی.
(سه‌رۆك بارزانی) له‌م په‌یوه‌ندییه‌دا پاڵپشتیی ته‌واوی خۆی بۆ سه‌رۆككۆماری عێراق ڕاگه‌یاند و هیوای سه‌ركه‌وتنی بۆ خواست.
