لەقەزای خورماتوو هێزە قارەمانەكانی پێشمەرگە توانیویانە گورزێگی جەرگبڕ بەتیرۆریستانی داعش بگەیەنن.

لەقەزای خورماتوو هێزە قارەمانەكانی پێشمەرگە توانیویانە گورزێگی جەرگبڕ بەتیرۆریستانی داعش بگەیەنن و زیاتر لە 35یان لێبكوژن كە ویستویانە بەتیرۆریستێكی زۆرەوە پەلاماری قەزای خورماتوو بدەن.

عەمید بەختیار محەمەد فەرماندەی لیوای 16ی سلێمانی  رايگەیاند: شەوی رابردوو تیرۆریستانی داعش ژمارەیەكی زۆر هێزیان كۆكردبویەوە بۆ پەلاماردانی قەزای خورماتوو، لەقەزاكانی داقوق  و حەویجەو ناحیەی سلێمان بەگ و بیر ئەحمەدەوە چەكداریان هێنابوو بۆ گوندەكانی یەنگیجەو سەلام تا لەوێوە هێرشبكەنە سەر خاڵی پشكنینی دەروازەی قەزای خورماتوو، لەوێشەوە پەلاماری خورماتوو بدەن.

عەمید بەختیار راشیگەیاند: پێشمەرگە قارەمانەكانی لیوای 16ی و هێزەكانی 70 و فریاكەوتنی سلێمانی و ژمارەیەك گەنجی خۆبەخشی قەزای خورماتوو بۆ ماوەی هەشت سەعات و 30 خولەك شەڕیان كردو سەرجەم پەلامارەكانی تیرۆریستانی داعشیان تێكشاندوە.

ئەوەشی راگەیاند: بەپێی زانیارییەكانمان هێزەكانی پێشمەرگە توانیویانە زیاتر لە 30 داعش بكوژن و چەندینی تریشیان لێ بریندار بكەن.
لەبارەی زیانەكانی هێزەكانی پێشمەرگەوە، وتی: خۆشبەختانە هێزەكانی پێشمەرگە بێ زیان بوون و سەرجەم پەلامارەكانی داعشیان تێكشاندوە.

س.PUKmedia