گواستنەوەی ۱٦٥ پۆلیسی یەکێتی بۆ سەر پۆلیسی پاسەوانی پارتی، گڕ لەپەیوەندییەکانی بافڵ تاڵەبانی و مەلا بەختیار بەردەدات
گواستنەوەی ۱٦٥ پۆلیسی یەکێتی بۆ سەر پۆلیسی پاسەوانی پارتی، گڕ لە پەیوەندییەکانی بافڵ تاڵەبانی و مەلا بەختیار بەردەدات.
سریەی پۆلیسی ئامادەی خانەقین کە سەر بە بەڕێوەبەرایەتی پۆلیسی گەرمیانن لە دوای ساڵی ۲۰۰٥ دروستکراوە. بەشێکیان پاسەوانی مەلا بەختیارن و لە لایەن وەزارەتی ناوخۆ بەبێ ئاگاداری یەکێتی ڕاژەیان بۆ سەر بەشی پۆلیسی پاسەوانی هەولێر گوازراوەتەوە. لە کاتێکدا هەمان بەش لە سلێمانی هەیە.
یەکێتی بڕیارەکە بە بڕیاری هاوبەشی پارتی و مەلا بەختیار دەزانێت و پێیوایە ئەم هەنگاوە بۆ ئەوەیە هێزەکە لەژێر دەستی یەکێتی دەربکات.
پێشتر لە نێوان یەکێتی و پارتی ئەم بابەتە ڕووینەداوە و دەستیان بۆ جێگۆڕکێ و گواستنەوەی هێزی سەر بەیەکتر نەبردووە.
ئەم پێشهاتە یەکێتی و بافڵ تاڵەبانی بەتەواوی نیگەران دەکەن و بەڕێوەبەرایەتی پۆلیسی گەرمیان پابەندی بڕیارەکەی وەزارەتی ناوخۆ نابێت و یەکێتی تا ئەم ساتە ڕێگری لە جێبەجێکردنی بڕیارەکە کردووە.
دوای ئەو بڕیارە گڕ بەردەبێت لەنێوانی مەلا بەختیار و بافڵ تاڵەبانی و تا کار دەگاتە ئەوەی بەفرمانی سەرۆکی یەکێتی لە ڕێگای هێزەوە دەست بەسەر ناوەندی ڕۆشنگەری چاودێر لەسلێمانی و میوانخانەی مەلا بەختیار لە خانەقیندا دەگیرێت.
بوار نیوز
