ئاسایشی سلێمانی"لەماوەی کەمتر لە ٢٤ کاتژمێر بك.وژی هاوڵاتیەکـەی هەولیرمان دەستگیرکرد،

 

راگەیەندراوێك لە بەڕێوەبەرایەتیی ئاسایشی سلێمانییەوە

بەڕێوەبەرایەتیی ئاسایشی سلێمانی رایدەگەیەنێت، " لە ماوەی كەمتر لە 24 كاتژمێر بكوژی هاوڵاتییەكەی هەولێرمان دەستگیركرد".

بەڕێوەبەرایەتی ئاسایشی سلێمانی لە راگەیەندراوێكدا بڵاویكردەوە، دوای ئەوەی شەوی رابردوو كاتژمێر 10:30ی خولەک لە شاری هەولێر، هاوڵاتییەك كە خاوەنی پێشانگای كڕین و فرۆشتنی ئۆتۆمبێلە لە پڕۆژەی نیشتەجێبوونی (ئیسكانی نوێ) لە هەولێر كوژرا.

باس لە ئەوەش دەكات، بەڕێوەبەرایەتیی ئاسایشی سلێمانی، دوای كۆكردنەوەی زانیاری و بەدواداچوونی ورد و دەستنیشانكردنی شوێنی خۆحەشاردانی تۆمەتبار، بە بڕیاری دادوەری لێكۆڵینەوەی ئاسایش، بەیانیی ئەمڕۆ تووانیان بكەری تاوانەكە لە شاری سلێمانی دەستگیربكەن و رووبەڕووی یاسای بكەنەوە.