جەماوەری خۆڕاگری کوردستان
ئەمڕۆ لە شاری قەڵادزێ، بەھاندانی لایەنێکی سیاسی بێ ھەبوونی ھیچ پاساوێک ئاراستەی خۆپیشاندەرانی ئەو شارەیان گۆڕی بەرەو بارەگای لیژنەی ناوچەمان، لەئاکامی ھەوڵدان بۆ دەستدرێژیکردنە سەر بارەگا و کادیر و پێشمەرگە پاسەوانەکانی ئەو بارەگەیە لە چوارچێوەی ھێرشە بێ پاساوەکەدا، بەداخەوە روداوی نەخوازراو رویدا. لەو بارودۆخە ھەستیارەی کوردستان ھەوڵدان بۆ زیاتر گرژکردنی بارودۆخ و تێکەڵاوکردنی پرس و کێشە لێکجیاوازەکان ھیچ گرفت و قەیرانێک چارەسەرناکات جگە لە خزمەتگەیاندن بە دوژمن و ناحەزانی کورد و کوردستان. لەم کاتەدا بەرپرسیاریەتی دەکەوێتە ئەستۆی ھەموو لایەک بۆ ھێورکردنەوە و ئاساییکردنەوەی بارودۆخەکە، پێویستە ئیدارە و دامودەزگاکانی ئاسایش و پۆلیس لەو دەڤەرانەی کە گرژی و ئاڵۆزیان تێدا دروستبووە مەسئولیەتی پاراستنی بارەگا و سەروماڵی کادرانمان بەئەستۆبگرن و پارێزراوبن لە دەستدرێژی، ناکرێت سوکایەتی بە بارەگاکانمان بکرێت و لێپێچانەوەش نەکرێت یان ھەوڵی بەرگریکردن نەدرێت. ھەر دەستدرێژیکردنێکیش بۆسەر بارەگاکانمان و سەروماڵی کادریارنمان بەبێ باج نابێت.
مەکتەبی سیاسی
پارتیی دیموکراتی کوردستان
٩/١٠/٢٠١٥
.png)