سەعدی ئەحمەد پیرە، وتەبێژی یەکێتی نیشتیمانی کوردستان دەڵێت" عێراق لە خۆیەوە مووچەی خەڵک نابڕێت، ناو زیاد دەکرێت بۆیە مووچە دەبڕێت و کيشەی بۆ دروست دەکرێت، ئەگەر دەیانەوێت ناو زیاد بکەن و خەڵک دابمەزرێنن، با داوا لە عێراق بکەن، بەڵام بە بێ ڕەزامەندی عێراق نابێت."
وتیشی،" پێویستە عێراق مووچەی ئەوانە ببڕێت کە لە لیستەکە زیاد دەکرێن، ئەوانەشی تەواون و گومانیان لەسەر نییە دەبێت مووچەکانیان بنێرێت، پارتی واز لە زیاد کردنی ناو ناهێنێت یەکێتی دژی ئەوەیە، بابەتی هەژماری من و هەژماری تۆ و زیاد کردنی ناو دەبێ کۆتایی پێ بهنرێت، پێمان وایە دەبێت ئەو بڕیارەی لە مەحکەمەی ئیتیحادی بڕیاری لێدراوە سەبارەت بە مووچە وەک خۆی جێبەجێ بکرێت."
