بەرپرسێكی پارتی دیموكراتی كوردستان چەند سیناریۆیەك بۆ چارەنوسی پەرلەمان‌و حكومەتی هەرێمی كورستان ئاشكرا دەكات‌و ئاماژە بەوەش دەكات تا ئێستا هیچ كام لەم سیناریۆیانە رێكەوتنی لەسەر نەكراوە.ئەو بەرپرسەی پارتی كە ناوی ئاشكرا نەكردوە دەڵێت: لە ئێستادا چەند سیناریۆیەک لە نێوان لایەنەکاندا گفتوگۆی لەسەر دەکرێت بەڵام دیار نییە کام سیناریۆیان جێبەجێدەکرێت.
بەوتەی ئەو یەکێک لە سیناریۆکان بە نێوەنگری یەکێتیی، پارتی و گۆڕان رێککەوتنێکی نوێی بێتە ئاراوە گۆڕان بگەڕێتەوە حکوومەت و پەرلەمان .
بەرپرسەكەی پارتی كە لە هەمانكداتدا ئەندامی وەفدی دانوستكاری پارتییە سەبارەت بە سیناریۆی دووەم بە باسنیوزی وت: یان بارودۆخ بەم شێوە بەردەوام بێت و حکومەتێکی گواستنەوە بێت.
سیناریۆی سێیەمیش ئەوەیە: حکومەت هەڵوەشێتەوە حکومەتێکی نوێی پێکبهێنرێت .
لە بارەی سیناریۆی چوارەم ئەو بەرپرسەی پارتی وتیشی: پەرلەمان هەڵبوەشێنرێتەوەو هەڵبژاردنی پێش وەختە ئەنجام بدرێت.
لە بارەی نزیکترین سیناریۆ بۆ گفتوگۆکردن لەسەری وتی: تا ئێستە دیار نییە کام سیناریۆیە لایەنەکان لەسەری دەگەنە رێککەوتن.
