لە گرتەیەکی ڤیدیۆیدا کە چەکدارانی داعش لە ویلایەتی نەینەوا بڵاویانکردوەتەوە حەوت کەس بەشێوەیەکی دڕندانە شەهید دەکەن و دەڵێن ئەوانە پێشمەرگەی دیلن.
بیەکێک لەو تیرۆریستەکان کە دەم و چاوی داپۆشیوە بە زمانی کوردی سۆانی قسە دەکات و پەیامێک ئاراستەی کەسوکاری ئەو شەهیدانە و مەسعود بارزانی دەکات و هەڕەشەی ئەوەش دەکات کە دەکەنە ناوشارەکانی هەرێم.
تۆمارە ڤیدیۆییەکە بەرواری (30/9/2015)ەی لەسەرە و بەناوی ویلایەتی نەینەواوە بڵاوکراوەتەوە.
ئەو کارە قێزەونەی داعش دوای ئەوەهات کە لەماوەی رابردودا هێزی پێشمەرگەی کوردستان ناوچەیەکی بەرفراوانی لە چەکدارانی ئەو گروپە پاککردەوە و هەردوێنێ لە سنوری باشوری رۆژئاوای کەرکوک زیاتر لە (17) گوند و ناوچەیان لێ پاککردنەوە و بە تەواوەتی مەترسییەکانی ئەو گروپەیان لە کەرکوک دورخستەوە و بەبەردەوامیش هێزی پێشمەرگە لە پێشڕەویدایە بۆ سەر مۆڵگەکانی ئەو گروپە و تائێستاش کەمترین بەرگریان بەرامبەر ئۆپەراسیۆنەکانی پێشمەرگە هەیە کە پشتیوانی هاوپەیمانی نێودەوڵەتی دژی داعش ئەنجامیدەدەن.
