عەلی حەمە ساڵح ئەندامی پەرلەمانی كوردستان بڵاویكردووەتەوە، دوای بەدواداچون، داواكەی سان شۆڕش ئیسماعیل رەتكرایەوە بۆ ئەوەی 4 هەزار و 690 مەتر زەوی بكاتە شوقەی نیشتەجێبون، داوایانكردووە زەویەكە وەربگیرێتەوە و بە كێبڕكێ بفرۆشرێت و پارەكەی تەرخان بكرێت بۆ پێداویستی نەخۆشخانەی هیوا.
لە وەڵامی دەستەی وەبەرهێناندا بۆ خاوەنی زەوییەكە هاتووە، بەڕێوەبەرایەتی گشتییان رەزامەند نییە لە هەر گۆڕانكارییەك لە پێكهاتە و چالاكی پرۆژەكەیان، بە پێچەوانەوە بەپێی یاسا مامەڵە لەگەڵ پرۆژەكەیان دەكرێت.
ئەو پارچە زەوییە كە دراوە بە كوڕی وەزیری پێشمەرگە لەماوەی رابردوودا هەرای نایەوە و قسە و باسی زۆری لەسەر كرا و داوا دەكرێت لێی بسەندرێتەوە، زەوییەكەشی بە بیانووی دروستكردنی كافتریا و ریستۆرانتەوە وەرگرتووە، بەڵام دواتر داوای كردووە رەزامەندی بدرێت بیگۆڕێت بە شوقەی نیشتەجێبوون.
